منتدى طلاب المعهد العالى للتعاون الزراعى
عزيزى الزائر مرحبا بك هذة رسالة تفيد بانك غير مسجل
اذا كنت عضوا معنا فى المنتدى برجاء قم بتسجيل الدخول
اذا لم تكن مسجلا نتمنى انضمامك الى اسرة المنتدى وشكرا

يوميات شاب مصرى روش طحن

استعرض الموضوع السابق استعرض الموضوع التالي اذهب الى الأسفل

يوميات شاب مصرى روش طحن

مُساهمة من طرف عبدالله ابراهيم احمد في الثلاثاء يوليو 07, 2009 2:44 am

المشهد الأول




· يدخل أبو طارق إلى حجرة ولده طارق علشان يصحيه يروح الجامعة ويخبط على ظهرهه بالراحه كده أب بقي انتو فاهمين.

الوالد : طارق ... طارق .... قوم يا حبيبى فيفتح الولد عيناً واحدة ينظر بها إلى أبيه فى استغراب


طارق : إيه يا بابا فيه إيه ؟




الوالد :قوم يا حبيبى عشان تلحق تروح كليتك ؟




طارق : يا بابا كلية إيه اللى بتصحينى عشانها وش الفجر


الوالد : وش الفجر إيه بس... يا بنى الساعة داخلة على عشرة ...



قوم يا حبيبى عشان تلحق محاضراتك



طارق : يابابا نفض


الوالد : أعمل إيه



طارق : يعنى كبر يا بابا



الوالد : الله اكبر

طارق : لا يا بابا مش قصدى ... أن بقولك كبر دماغك يعنى



الولد : يا ابنى قوم متتعبنيش .... مش انت عندك محاضرات مهمة النهاردة ؟



طارق : يا بابا مهمة إيه بس ... ده كله فى الكلتشة


الوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة


طارق : يا بابا ... فكك من كلام الستينات ده.... أنا مش قادر أفك رموز وشى



الوالد : يا بنى قوم أخوك بيقول ان المحاضرات النهاردة عندك مهمة



طارق : يابابا سيبك منه ... ده واد بيهيس



الوالد : يعنى إيه .... يعني كلامه صح ولا غلط ؟



طارق : يا بابا ... ابنك ده دماغه مخرومة ... عمالة تنقط .... متسمعلوش و لما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار



الوالد : يا بنى انت بتتكلم كده ليه ؟


طارق : يعنى بكلمك بالسيم يعنى .... بص يا بابا عشان خاطر ربنا ... سيبنى أنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية


الوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوك



طارق : و الله يابابا أنا مأفور خالص و مش قادر ... سيبنى


الوالد : يا بنى كلمنى زى ما بكلمك ... إيه اللى انت بتقوله ده



طارق : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى .



الوالد : مصلحتك ؟ يا بنى انت بقالك ثلاث سنين فى سنة ثانية



طارق : ظلم يا بابا ، الدكاترة بتاعة الكلية حاطينى فى دماغهم لحد ما عفنت


الوالد : (وقد بدأ يتغاظ ) طيب قوم يا معفن ... خد لك دوش و افطر و روح الكلية


طارق : بابا.. اقفل النور و خد الباب وراك .... و أما أقوم نبقى نشوف موضوع الدش ده


الوالد ( بصوت مرتفع ) : أنت حتقوم و لا حقومك بالجزمة



طارق ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبح



يخرج الأب و يدخل أخوه وائل فينظر إليه شذراً



طارق : لازم تديها جاز على الصبح .... شعللتها ؟ ... ماشى



وائل : هو اللى بيسألنى



طارق : قوله معرفش ... قوله معندوش زفت محاضرات

وائل : أكذب يعنى ؟



طارق : (يضحك بسخرية ).... لأ إنت متعرفش تكدب ... تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه ؟



وائل : ( و قد اصفر وجهه ) لا يا طارق اوعى ....


طارق : طيب يا حلو .... روح هاتلى سجارة من علبة أبوك أعمل بيها دماغ الصباحية


وائل : يخرج سيجارتين من جيبه . خد اثنين أهم ... بس اخلص بسرعة قبل ما ييجى تانى .



طارق : طيب يا إتم .... اختفى من قدامى دلوقت



يخرج وائل ، و يبدأ طارق فى تدخين إحدى السجائر و هو بعد ما زال على السرير


ثم ينظر بجواره على الكمودينو و يتناول التليفون و يتصل بأحد زملائه


طارق : ألو ... أيوه يا هيما .... انت لسة مِكَّحول ... ما تقوم ياواد خليك نشيط


هيما : يا بنى حد يتصل بحد دلوقت مفيش زوق .... الساعة لسة عشرة و نص


طارق : فوق بقى .... إيه النظام ؟ الحياة أخبارها إيه النهاردة ؟


هيما : زى امبارح .... نروح المول ... و ندخل الكافى شوب .... نطلب شيشة ... نشرب لنا كام ستون ..... نعلق حتتين طراى .... أو نلف نعاكس فى المزز


طارق : طيب نتقابل الساعة واحدة .... متحلقليش


هيما : حتعمل إيه دلوقت

طارق : أنا حاخلع من البيت دلوقت و اخرج أصيع لحد ما نتقابل ، عشان أبويا عاملى فيها أبو الغضب ... و لو فضلت موجود حيعملى فيها بروسلى و يضربنى .



هيما : الحمد لله يا عم... أنا أبويا ميت


طارق : يا بختك ... استكانيس براحتك ..... طول عمرك محظوظ .... شاو

يغلق الخط ... و يدخل أخوه وائل


وائل : اوعى يا طارق تقول لابوك .... لحسن يرحلنى


طارق : (ينظر إليه بتعال و كأنه ملك روحه ) خليك حلو معايا أحسنلك ... لحسن أنا لسانى بياكلنى ... و الندالة بتنقح على


وائل : ( باستجداء ) اوعى يا طارق

طارق : طيب روح هاتلى الجل بتاعك ... عشان الجل بتاعى بياكل فى دماغى زى مية النار


وائل : احنا حنبدأ استغلال .... و بعدين انت اللى مابتغسلش دماغك لحد ما باظت


طارق : خلص يا عم الأمور ... روح هاتلى الجل .... إنجز


وائل : يا طارق ما انت عندك إزازة لسة مفتحتهاش



طارق : ياد روح هاتها متبقاش إيحة ... و بعدين انت لابس فانلة فى البرد ده ... عاملى فيها هركليز

وائل : ( يصرخ و هو يجرى خارج الحجرة ) يا نهار اسود ... دا المكوة على القميص



يأخذ طارق نفساً من السيجارة و قبل أن يخرجه من صدره يدخل والده



الوالد : إنت لسة نايم ؟


طارق : ( لا يرد حتى لا يخرج الدخان من فمه فيراه أبوه و يخفى السجارة تحت البطانية )


الوالد : يعنى مش عايز تجيبها لبر .... آدى آخرة دلع أمك . هى اللى فسدتك ... لو مخرجتش من البيت و رحت كليتك حالاً حكسر دماغك دى ... إنت فاهم ؟


طارق : ينظر إلى والده و قد احمرت عيناه و انتفخ وجهه


الوالد : انت بتبص كده ليه يا واد انت .... جتك البلا فى منظرك ... و يخرج الوالد


طارق : يخرج نفسه الذى كتمه حتى كاد أن يموت ، و يسعل بشده

يدخل وائل أخوه فيجده على هذه الحال


وائل : إيه مالك ؟ حتفطس ولا إيه


طارق : روح هاتلى كباية مية أبوك كان حيموتنى .... كنت حسافر

عبدالله ابراهيم احمد
مهندس مبتدئ
مهندس مبتدئ

ذكر
العمل/الترفيه : الكمبيوتر
المزاج : لازم يكون رايق
النشاط :
60 / 10060 / 100

الفرقة : الرابعة
نقاط : 650
تاريخ التسجيل : 01/08/2008

الرجوع الى أعلى الصفحة اذهب الى الأسفل

رد: يوميات شاب مصرى روش طحن

مُساهمة من طرف osama kotb في الأربعاء يوليو 08, 2009 5:51 am

هههههههههههههههههههههههههههه

_________________
اسامة قطب

مرت سنون بالوصال وبالهنا فكانها من قصرها ايام
ثم انثنت ايام هجر بعدها فكانها من طولها اعوام
ثم انقضت تلك السنون واهلها فكانها وكانهم ما كانوا

osama kotb
admin
admin

ذكر
العمل/الترفيه : مهندس زراعى
المزاج : معتدل
النادى المفضل : الاهلى
النشاط :
100 / 100100 / 100

الفرقة : خريج
نقاط : 2330
تاريخ التسجيل : 22/05/2008

الرجوع الى أعلى الصفحة اذهب الى الأسفل

رد: يوميات شاب مصرى روش طحن

مُساهمة من طرف Eng.M.TH في الخميس يوليو 09, 2009 4:05 pm

ههههههههههه مشكور بس الموضوع ده مكانة في الفرفشة ياعبده

_________________
احب ان يراني الناس كما ارى نفسي.... فانا لا احب ان اتجمل




Eng.M.TH
كبار الشخصيات
كبار الشخصيات

ذكر
العمل/الترفيه : Agricultural engineer, Internet and Computer
المزاج : Romantic moderate
النادى المفضل : Ahly

النشاط :
94 / 10094 / 100

الفرقة : خريج
نقاط : 1201
تاريخ التسجيل : 09/03/2009

الرجوع الى أعلى الصفحة اذهب الى الأسفل

رد: يوميات شاب مصرى روش طحن

مُساهمة من طرف احمد المسلمى في الخميس يوليو 09, 2009 4:50 pm

هههههههههههههههههههه

احمد المسلمى
كبار الشخصيات
كبار الشخصيات

ذكر
العمل/الترفيه : الانترنت
المزاج : رومانسى
النشاط :
98 / 10098 / 100

الفرقة : خريج
نقاط : 1587
تاريخ التسجيل : 31/07/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى