احدث الطرق لتبليغ الوفاه

محمد عسكري بالجيش ... توفي أبوه طلبوا من قائد سريته يخبره بدبلوماسية عشان ما ينصدم

قائد السرية وقف بالنص .... وحكى " اللي أبوه عايش يروح عاليمين، واللي أبوه ميت عالشمال"
محمد وقف عاليمين طبعا لانه ما عرف انه أبوه مات
اقائد السريه " محمد .... عالشمال حبيبي عالشمال "
***

وحده جوزها مات .... طلبو من صديق جوزها يخبرها باسلوبه .. راح عليها حكالها :
-بتعرفي بدي احكيلك شغله عن جوزك .....
-ايش هي ؟؟؟ احكي ...
-اتجوز عليكي
-ايش ؟؟؟ شو بتقول ؟؟؟؟؟؟ لاااااااااااااااااا
-لا لا بمزح معك .. هو بس مات

***


وحده جوزها مات بحادث .... الشرطي اللي كشف على الحادث فكر بطريقه يخبرها باسلوب حلو
حكالها :
" انتي أرملة محمد ؟؟؟ "
" لا "
" تشارطي ؟؟ "
***

وحده ابنها مات .... جوزها بده يخبرها بطريقته .. حكالها ابنك امبارح بتبصبص ع بنت الجيران من الشباك حكت له
" الله يقصف عمره "
" ما هو قصفه وخلص "

***

وحده جوزها متغرب ... بشتغل برا ... الله أخد وداعته .. ومات ..
حكو لصاحبه يبلغ مرته وما يصدمها ... راح عليها وحكالها :
" كيفك ام محمد .. ايمتى شفتي جوزك آخر مره "
" والله من اربع شهور "
" بقطع ايدي اذا بتشوفيه مره ثانيه "

***
الدكتور للزوجة: بدي احكيلك شغلة اختي بس على انفراد....
بتعرفي الامراض موجودة منذ الازل....
والامراض الصعبة كمان....
والعلم بحاول دايما يتغلب عليها ومرات بنجح ومرات بفشل...
وزوجك عنده سرطان بالدم ولهلأ العلم ما لقي دوا شافي بسرعه لهالمرض.....
فديروا بالكم عليه وشوي شوي معه....

رجعت الزوجه عند زوجها...

الزوج: شو قالك الدكتور؟
الزوجة: انك رح تموت....