منتدى طلاب المعهد العالى للتعاون الزراعى
عزيزى الزائر مرحبا بك هذة رسالة تفيد بانك غير مسجل
اذا كنت عضوا معنا فى المنتدى برجاء قم بتسجيل الدخول
اذا لم تكن مسجلا نتمنى انضمامك الى اسرة المنتدى وشكرا

كيف تنقص وزنك بدون تعقيد

استعرض الموضوع السابق استعرض الموضوع التالي اذهب الى الأسفل

كيف تنقص وزنك بدون تعقيد

مُساهمة من طرف Eng.M.TH في الجمعة أبريل 24, 2009 12:19 pm

السلام عليكم ورحمة الله وبركاتة

في الحقيقة يا شباب انا حبيت اتكلم في الموضوع ده نتيجة لاهميته البالغة وخصوصا في العصر الي احنا فيه ده
ومرض السمنة ده يصنف الاول على قائمة اخطر الامراض في العالم على حسب قول منظم الصحة الدولية
ايه هو مرض السمنة
السمنة من مفهومي انا عبارة عن اختلال في الوظائف الحيوية نتيجة لعادات سلوكية وغذائية غلط في غلط
باختصارجسم الانسان زي الالة بتحتاج قدر معين من الطاقة علشان تشتغل انما الي بيقيض من الطاقة دي بيحولها الجسم الي طاقة مخذنة في صورة دهون لحين الاستفادة منها
والدهون دي بتتركز في مناطق معينة بتختلف على اساس الجنس فمثلا في الرجل بيتركز الدهن المخزن عنده في الكليتين عند الجانبين وحول المعدة انما للسيدات فغالبا مايتركز الدهن عندها في المنطقة السفلية ولكل قاعدة شواذ طبعا...........
كيفية العلاج :
اولا المرض ده انا بعتبرة نفسي من الدرجة الاولى اي هي ارادة ..........سر فشل العديد من الذين يتبعو الحميات المختلفة هي الارادة من الدرجة الاولي تعالوا نبسطها بالبلدي كده ايه الي بيخلينا احنا نفشل في تقليل الوزن
كل واحد فينا بفكر ينقص وزنة بيبقى عامل زي الي بيتفرج على نفسة وكل شوية بال وكل يوم بيوزن نفسة ولو شاف انه ما نقصشي او نقصل قليل ده بياثر عليه نفسيا جامد جدا وبيخليه يسيب الحمية الي بيعملها بسرعة وكمان بيتعامل معاها على انها مرحلة وهتعدي ويرجع تاني وده غلط في غلط والسبب في كده هو انه بعد ما كان بياكل كميات كبيرة جدا فجاة بيقلل اكلة وبصورة كبيرة جدا فابتبقى عملية صعبة جدا عليها او عليه
انا هاقدم ليكم شوية نصائح من الحياه اليومية وانشاء الله تجيب مفعول
كما قولنا في السابق ان الجسم زي الالة وبالتالي عاوز كل العناصر يعني باختصار كل كل حاجة وماتمنعش نفسك عن اي حاجة ولاكن بتوازن
شوف انتا بتبزل مجهود اد ايه وكل على اساسة والجسم اوتوماتيكيا هايضبط نفسة والعب رياضة مش شرط تكون صعبة كفاية المشي ودي رياضة جميلة جدا كلنا شباب وكلنا بيمشي كتير يبقى جانب الرياضة كده كويس عندنا
نيجي للسكريات قلل منها على قد ما تقدر بس كل ولاكن على قد مجهودك ممكن يكون اكلك متوازن ولاكن بتاكل سكريات كتيرة وده بيضيع كل حاجة
اشرب ميه كتير جدا على قد ما تقدر بيفيد في المحافظة على البشرة وتسهيل الهضم والاحتراق
حاول تعمل اي حاجة بايدك يعني ببساطة لو كليتك بعيدة نص ساعة عن البيت ياريت تمشيها لو عاوز تشتري حاجة ياريت تجبها بنفسك كل حركة بتعملها ده حرق في الطاقة
حاول تقلل من المياه الغازية بقدر الامكان مش بس علشان السكر ولا كن علشان كمان هي مضرة
حلول بقدر الامكان بزيادة الفارق بين الاكل والنوم بحد ادنى 3 ساعات حاول يكون اكلك قليل في كل وجبة وكتر عدد الوجبات ممكن تاكل 5 وجبات في اليوم عادي جدا
خلي تقليل كمية الاكل تدريجيا يعني لو كنت بتاكل طبق ارز في الغداء قلله حتى تصل في نهاية الشهر الي طبق الي ربع والشهر الي وراه نص طبق وهاكذا حتى تلاقي نفسك بتاكل ربع طبق وده معدل ممتاز خصوصا في سننا ده والرياضة زودها كل اسبوع شوية حاول تخلي ده نمط حياتك مش مجرد فترة وهاتمر وكما ذكرت في الاول كل الي نفسك فيه بس بالقدر المناسب في طريقة سهلة جدا لحساب الوزن وهي الطول ناقص 100 يعني لو طولك 170 يبقى الوزن المثالي ليك 70 اما في البنات فيكون اقل شوية مثلا 65 او 64 وهاكذا
اوعي تحسب الايام وابعد بقدر الامكان عن الميذان قلل كلامك عن انك عامل ريجيم وبطل توهم نفسك ان الطريق طويل وشيل فكرة انك بتخس من دماغك وخليها حاجة عادية جدا حطت دائما امامك هدف وهو الجسم الرشيق المثالي والصحة الجيدة ولما تبتدي تحس بالنتيجة والفارق اكيد ده هايديلك دافع قوي للاستمرار وهايبقى حائط يمنع من الرجوع للحياة الي كنت بتكرههاممكن تستعمل اي اعشاب تخسيس مع الاكل ويجب تكون معرفة مثلا ممكن تستخدم الشاي الاخضر جميل جدا وابعد عن اي حاجة كيماوية زي اقراص التخسيس الشيكولاتة ودي انا خلتها في الاخر علشان دي كارثة ابعد عنها بقدر الامكان ممكن تاكل حتة كل يوم وبرده بالتدريج كما قولنا واخيرا شهر رمضان وده الشهر الي بنفتح فيه في الاكل ودي حاجة عجيبة جدا يعني شهر الصوم والعبادة اصبح شهر الاكل والشرب لو اتبعنا الي مفروض نعملة في رمضان صدقوني مش هانخس اقل من 6 كيلو فانحاول نقلل فيه كمية الاكل ولو هانبدا في النظام ده ياريت يكون بعد رمضان علشان انا عارف الغالبية هاتعمل ايه هههههههههههههه
والطريقة الي انا بقول عليها دي ياشباب للوزنهم زايدة نتيجة لعاداتهم الغذائية وليس الثمنة الوراثية الي بيتولد بيها البعض فدول بيكون ليهم نظام تاني خالص فااعرف النعمة الي ربنا مديهالك وحافظ عليها وانهضها احسن تروح منك
وترجع تقول ياريت الي جرى ماكان
اتمنى لكم دوام الصحة والعافية ...............

Eng.M.TH
كبار الشخصيات
كبار الشخصيات

ذكر
العمل/الترفيه : Agricultural engineer, Internet and Computer
المزاج : Romantic moderate
النادى المفضل : Ahly

النشاط :
94 / 10094 / 100

الفرقة : خريج
نقاط : 1201
تاريخ التسجيل : 09/03/2009

الرجوع الى أعلى الصفحة اذهب الى الأسفل

رد: كيف تنقص وزنك بدون تعقيد

مُساهمة من طرف Nada في الجمعة مايو 01, 2009 1:04 pm

الموضوع هايل جداااا ومفيد وانا بعمل كدة بقالى فترة وفعلا جاب نتيجة هايلة ونسيت الميزان نهائيا وبعد فترة وزنت لقيت انى خسيت اكتر من 15 ك من غير ما احس انى عملت رجيم ومن غير تعب ولا حرمان

Nada
مشرفه
مشرفه

انثى
العمل/الترفيه : الرسم &الكمبيوتر
المزاج : رومانسية
النادى المفضل : الاهلى
النشاط :
80 / 10080 / 100

الفرقة : الثالثة
نقاط : 964
تاريخ التسجيل : 20/02/2009

الرجوع الى أعلى الصفحة اذهب الى الأسفل

رد: كيف تنقص وزنك بدون تعقيد

مُساهمة من طرف Eng.M.TH في الأحد مايو 03, 2009 8:33 pm

شكرا على مرورك الجميل ده

Eng.M.TH
كبار الشخصيات
كبار الشخصيات

ذكر
العمل/الترفيه : Agricultural engineer, Internet and Computer
المزاج : Romantic moderate
النادى المفضل : Ahly

النشاط :
94 / 10094 / 100

الفرقة : خريج
نقاط : 1201
تاريخ التسجيل : 09/03/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى