منتدى طلاب المعهد العالى للتعاون الزراعى
عزيزى الزائر مرحبا بك هذة رسالة تفيد بانك غير مسجل
اذا كنت عضوا معنا فى المنتدى برجاء قم بتسجيل الدخول
اذا لم تكن مسجلا نتمنى انضمامك الى اسرة المنتدى وشكرا

فضفض مع الصور

استعرض الموضوع السابق استعرض الموضوع التالي اذهب الى الأسفل

فضفض مع الصور

مُساهمة من طرف محمود رشاد في الإثنين سبتمبر 21, 2009 8:16 am

مش عارفه الفكره دى ممكن تعجبكم ولا لأ بس هى خطرت فى بالى قلت اتجنن معاكو شويه
الفكره انه هنجيب صوره بس تكون فيها عمق شويه ونسرح معاها ونفضفض حاسين بايه او بتفكرنا بايه مرتبطه بحدث معين او فكره معينه او اى حاجه جت فى بالك لما شوفتها الفكره ان الصوره تكون مصدر الالهام والتعليقات طبعا كل واحد حر يجيب صوره معينه ويحكي عليها ومش هوصيكو بخصوص الصور ممنوع صور نساء وفنانين عشان متتحذفش

هبدأ انا مع الصوره دى




الطفوله الحزينه

ممكن تكون الطفوله حزينه؟

معرفش بس انا فاكره انى كنت طفله سعيده بالرغم من عثرات كتيره الا انى بجد وقتها كنت سعيده جدا والغريب انى كنت بخاف على السعاده دى وكنت عارفه انى سعيده بشكل غير طبيعى واتعلمت اخاف على فرحتى لانها ممكن تتسرق طبعا ده مفهمتوش غير لما كبرت وعرفت ان الدنيا ملهاش امان

اكتر حاجه بفتكرها من ايام طفولتى صديقتى كانت اول صديقه واقوى صداقه عرفتها لحد ما اموت مفيش بينا مساحه لغيره ولا حقد ولا كذب ولا تلوين
كنت بحبها قوى اكتر من اى حاجه وبعدنا عن بعض بسبب اهلنا وخلافهم مع بعض وفعلا كل وحده رغم اننا كنا صغيرين على اللى بيحصل حوالينا الا اننا قلبنا كان بيتقطع

صديقتى اللى فضلنا 7 سنين منكلمش بعض وسبت البلد وعشت بمكان تانى واللى كان سبب كلامنا وصلحنا بعد السنين دى كلها انها جايه تعزينى فى وفاه والدى
ساعتها حسيت انى كان ضايع منى حاجه ولقيتها بس للاسف المره دى كانت مختلفه لا مش انتى

كبرنا واتغيرنا والدنيا كتبت جوانا كلام كتير غصب عنا ومبقناش زى ما كنا ولا عمرنا هنرجع لان الدنيا علمتنى ان مفيش حاجه بتتغير وترجع تانى لطبيعتها
ياريتنا ما كبرنا وياريتنا ما اتخاصمنا ولا اتصالحنا ياريتك فضلتى فى عنيا زى ما كنتى

كلمه بقولهالك من الصفحه دى ومعرفش اذا كنتى هتشوفيها ولا لأ
انا محتاجالك قوى ومحتاجه لصاحبتى القديمه اللى كانت بتفهمنى وتحس بيا وتخاف عليا وعمرها ما زعلتنى انا حاسه بغربه من بعدك رغم كل الناس اللى عرفتها مش لاقيه فيهم حد شبهك ولا لاقيه فيكى شبه زمان

دلوقتى بس بقيت احس بالطفوله الحزينه

محمود رشاد
مهندس
مهندس

ذكر
العمل/الترفيه : عامل زراعى لاعب كرة قدم فى نادى النجوم
المزاج : احيانا
النادى المفضل : الاهلى
النشاط :
60 / 10060 / 100

الفرقة : الثانية
نقاط : 1002
تاريخ التسجيل : 16/04/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى