منتدى طلاب المعهد العالى للتعاون الزراعى
عزيزى الزائر مرحبا بك هذة رسالة تفيد بانك غير مسجل
اذا كنت عضوا معنا فى المنتدى برجاء قم بتسجيل الدخول
اذا لم تكن مسجلا نتمنى انضمامك الى اسرة المنتدى وشكرا

بنت الجيران

استعرض الموضوع السابق استعرض الموضوع التالي اذهب الى الأسفل

بنت الجيران

مُساهمة من طرف rama في الثلاثاء سبتمبر 08, 2009 9:38 am

بنت الجيران
حدث فى حقبة من حقب الزمن...


الحكاية بتبدأ من حوالى سنتين....
العفش بينزل من على عربية النقل...

و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..

و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)

و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...

الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..

و لما شافتنى زى ما تكون شافت عفريت ودخلت على جوة جرى...

و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام

الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...

و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...

لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟
"




***********

"
قالتلى عندى 3 سنين


رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض

rama
مهندس مبتدئ
مهندس مبتدئ

انثى
العمل/الترفيه : الرسم
المزاج : رومنسى جدا
النادى المفضل : الزمالك
النشاط :
80 / 10080 / 100

الفرقة : الثالثة
نقاط : 641
تاريخ التسجيل : 21/06/2009

الرجوع الى أعلى الصفحة اذهب الى الأسفل

رد: بنت الجيران

مُساهمة من طرف القبطان في الجمعة سبتمبر 11, 2009 7:37 pm

ههههههههههههههههه والله جميله بجد يا راااااااااااااااااااااااااااماااااااااااا

_________________
http://hiac.yoo7.com

القبطان
قبطان المنتدى

ذكر
العمل/الترفيه : مهندس زراعى
المزاج : عامل دماغ سمك
النادى المفضل : ولا نادى
النشاط :
99 / 10099 / 100

الفرقة : خريج
نقاط : 1195
تاريخ التسجيل : 28/06/2009

الرجوع الى أعلى الصفحة اذهب الى الأسفل

رد: بنت الجيران

مُساهمة من طرف محمود رشاد في الجمعة سبتمبر 11, 2009 7:46 pm

مشكوووووور رما

وكل سنة وانتى طيبة والسنة الجاية تكونى بخير

محمود رشاد
مهندس
مهندس

ذكر
العمل/الترفيه : عامل زراعى لاعب كرة قدم فى نادى النجوم
المزاج : احيانا
النادى المفضل : الاهلى
النشاط :
60 / 10060 / 100

الفرقة : الثانية
نقاط : 1002
تاريخ التسجيل : 16/04/2009

الرجوع الى أعلى الصفحة اذهب الى الأسفل

رد: بنت الجيران

مُساهمة من طرف محمد صلاح في الخميس سبتمبر 17, 2009 12:33 am

ههههههههههههههههههههههههههه لذيذة اكيد روفيدة كانت بتقف على كرسى فى البلكونة ههههههههههههههههههههه
نايس ياراما

محمد صلاح
كبار الشخصيات
كبار الشخصيات

ذكر
العمل/الترفيه : مهندس زراعى ومحب للكمبيوتر
المزاج : مرح
النادى المفضل : الاسماعيلى_مانشيستر يونايتد
النشاط :
89 / 10089 / 100

الفرقة : خريج
نقاط : 824
تاريخ التسجيل : 27/03/2009

الرجوع الى أعلى الصفحة اذهب الى الأسفل

رد: بنت الجيران

مُساهمة من طرف Nada في الخميس سبتمبر 17, 2009 4:37 am

ههههههههههههههههههههههههههههههههههههههههههههه
حلوة قووووى يا راما

_________________
اجعل قلبك كالقبر لايدخلة غير انسان واحد ولا تجعلى كالبئر يشرب منة الناس جميعا

ادخل على الرابط دة وفى دقيقتين هتمسح كل ذنوبك

http://www.shbab1.com/2minutes.htm

Nada
مشرفه
مشرفه

انثى
العمل/الترفيه : الرسم &الكمبيوتر
المزاج : رومانسية
النادى المفضل : الاهلى
النشاط :
80 / 10080 / 100

الفرقة : الثالثة
نقاط : 964
تاريخ التسجيل : 20/02/2009

الرجوع الى أعلى الصفحة اذهب الى الأسفل

رد: بنت الجيران

مُساهمة من طرف Hamada Zico في الأحد سبتمبر 27, 2009 4:31 pm

7loa  menak  bas  eb2a  kbrha  shoyah

Hamada Zico
زراعى متدرب
زراعى متدرب

ذكر
العمل/الترفيه : Running
المزاج : Modirate
النادى المفضل : Al Zamalek
النشاط :
60 / 10060 / 100

الفرقة : الاولى
نقاط : 241
تاريخ التسجيل : 22/09/2009

الرجوع الى أعلى الصفحة اذهب الى الأسفل

رد: بنت الجيران

مُساهمة من طرف rama في الأحد سبتمبر 27, 2009 6:33 pm

سبتهالك انت اكبرها وميرسى ع مرورك

rama
مهندس مبتدئ
مهندس مبتدئ

انثى
العمل/الترفيه : الرسم
المزاج : رومنسى جدا
النادى المفضل : الزمالك
النشاط :
80 / 10080 / 100

الفرقة : الثالثة
نقاط : 641
تاريخ التسجيل : 21/06/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى